تجارب الأيام

تجارب الأيام

تجارب الأيام

نركض ورى الدنيا وناخذ بالاسباب

ونشوف ويـش الخاتمـه بالنهايـه
يمكن تجينا الفايـده بعـد الاتعـاب
ونحقق المقصود فـي كـل غايـه
والا تروح بفالهـا مالهـا حسـاب
ولا أحدٍ ملك وقته بصـك الولايـه
وإن كان جار الحمل والوقت ما طاب
تجـارب الأيـام فيهـا الكفـايـه
مع دورة الأيـام ياكثـر الاصحـاب
يصعب عددهم في صحيح الروايـه
أحدٍ يجي وافـي ولطيـب كسـاب
حكيم راي ولا يبـي لـه وصايـه
واحدٍ لا جت له حاجته قفـل البـاب
نهايتـه مـا هيـب مثـل البدايـه
من يلحق المقفين شرهات وعتـاب
منهم يصيبه كـل شبهـه وشايـه
يا قل من يصفي وراس الولد شـاب
من كثر ما يجري من أهل الوشايـه
يلقى القلوب الصافيه بين الاحبـاب
لكـن تهـدم مثـل هـدم البنايـه
عقب الرخاء كشر زمانه بالانيـاب
لو كان ما له فـي زمانـه جنايـه
شاف العجب والحق ماعنه مجنـاب
والا كـلام الزيـف مالـه حمايـه
قالوا رجال العرف واصحاب الا لباب
ما قامت حظوظ البشـر بالدعايـه
حبل الرجاء ممدود والظن ما خـاب
والعاقـل اللـي دل درب الهـدايـه

المصدر: مجالس البوادنه - من قسم: مجلس الشعر