قصيدة للشاعر غانم بن سعد

قصيدة للشاعر غانم بن سعد

[poem=font="arial,6,darkred,bold,normal" bkcolor="transparent" bkimage="" border="ridge,4,sienna" type=2 line=1 align=center use=ex num="0,black""]
والله مايطعنك مثل السكاكين=وتصبح حياة الكون عندك كسيفه
الا ليا جالك رفيقك بثنتين=القلب غلس والروابع ضعيفه
اللي بعدها يمكن تزين بعدين=وتصبح مع كثر التجارب خفيفه
ايهون لاونه من القوم الاقصين=ولا علاقتنا علاقة وظيفه
المشكله لاصار من الخشم للعين=وطول الزمان امقابلٍ لك حذيفه
ودي بطيبه راجح فالموازين=وصيته على روس الجبال المنيفه
مانيب خاسر شي دنيا ولا دين=بالعكس بكسب والمكاسب نظيفه
الطيب حظ والمراجل عناوين=ترها على غير البليهي كليفه
اللي تضاحك ناجده والحجاجين=اللي يلين جانبه عند ضيفه
هاذاك بو محمد على العسر واللين=اللي على ربعه بلاد مريفه
مثل الجمل ينقل حمول البعارين=لا حفيت ظهور الجمال الصخيفه
كلٍ يعرف سعود الاقصى والادنين=كريم سبلا والنوايا شريفه
الله يوسع منزله قولوا آمين=وعسى رضا ربي دوام حليفه
في جنة الفردوس ورود ورياحين=تاخذ يمينه ماكتب في الصحيفه [/poem]

المصدر: مجالس البوادنه - من قسم: مجلس الشاعر غانم بن سعد البوادنه