لله در القلوب اللي على الفطره

لله در القلوب اللي على الفطره

. قصيدة روض الشعر

. لفيت روض الشعر .. من لفحة الغبره
يغري هجوسي نداه .. و وفرة ظْلاله .
. ابآتنفس طهر ف/ اجواءه العطره
وانثر خلاصة شعور .. و تجربة حاله .
. شاعر ورقْه الزمان .. و منهجه حبره
يذبح سمان الدروب .. و يكرم آماله .
. ما جا يدّور ورا قيفانه الشهره
سرّاه ليل القصيد .. و جا على فاله .
. لو اعثرتْه المسافه ما نزل قدره
و اليا استجدّت ظروف اقواله افعاله .
. البحْر طامي .. رغم مدّه .. رغم جزره
ما عذربه لوم من وقّف على جاله .
. لله درّ القلوب اللي على الفطره
يفوح منها النقا .. لا كثْرت القاله .
. ولله درّ العظيم .. السامي بفكره
اللي علوم الردى م/ تمرّ في باله .
. انا في وجه الستر .. من خاين العشره
و من معضلات الزمان .. و نكبة اهواله .
. يا حضرة الحلم لا تزعل .. و لا تشره
سيفي شطير .. و مزون العزم همّاله .
. لجلك عبرت العمر .. من فتره ل/ فتره
وان كان دربي سواد الحظّ يبرا له ! .
. و لو لا الرجا .. و التفاؤل في ضيا بكره
ما كان حملك على كتفيني اشتاله !! .

المصدر: مجالس البوادنه - من قسم: مجلس الشعر