أبيات مكتوبةمن ذهب

أبيات مكتوبةمن ذهب

[glint]
[frame="10 80"]

أبيات مكتوبةمن ذهب

أعجبتني وأتمنى أن تحوز على رضاكم

[/frame]

[/glint]
[frame="7 80"]

ياباغي العليا لهـا عشـرة ابنـود

سجل وانا بمليـك واحفـظ عددهـا

من شان مايلحقك عيبـن ومنقـود

احفظ وصاتي والوصـاه اعتمدهـا

اوصيك قبل الجسم يدبيبـه الـدود

في حفرتـن لابـد نسكـن لحدهـا

دنيا العنا فيهـا مشاريـب وعـدود

وكم واحدن له حاجتـن ماوجدهـا

عليك بالتقوى ترا العمـر محـدود

واردع هوى النفس الدنيـه وقدهـا

واحفظ صلاتك تكسب الرزق والفود

تكسب مكاسيـب الحيـاه وسعدهـــا

وصوم رمضان وزك يالشامخ الطود

ترا البيـوت النايفـه مـن عمدهـــــــا

وجالس هل التوحيد والعز والجـود

واتـرك مقاريـد العبـاد وقردهــــــــا

الي على التفريق ياتونـك احشـود

فصيلتن دب الجهـل فـي جسدهـــا

واحسن جوار الجار لو كان مقـرود

لـو جـار نفسـك لاتبيـن نكدهـــــــا

والضيف عطه الطيب والطيب مردود

اكسـب جنـاب الطيبيـن وسندهــــــا

عقب الشحم والبـن قدملـه العـــــود

حيثك من الي مـن لفاهـا حمدهــــا

وبنت الردي لو هي زلالن وقرهـود

حـذراك تقربهـا وتمسـك بيدهـــــــا

خذ بنت قرمن عند الاجواد محمـود

لا جا نهار الهـوش بيـن ولدهــــــا

وزلة رفيقك لالفـت دون مقصـود

لاتمسـك الزلـه وهـو ماقصدهــــا

ثـلاث مررهـا ولا شـك بشهــــود

والرابعه شـب الحطـب لاوردهـا

هذي عشر وان كـان تبغينـي ازود

سجل على عشر الوصايـا وزدهـا

الظلم شين وتالـي الظلـم مـردود

والغيظ شيطـان القلـوب وكبدهـا

والصمت زينه والحكي سيف محدود

والحقـد غيمـه والتباغـظ بردهـــــا

فكر وميز واعرف البيض والسـود

واحذر قلوب الحاسديـن وحسدهـا

يابوك بين الناس طـارد ومطـرود

ماتجهلك بعـض الحـرار وهددهـا

وان ضامتك دنياك واصبحت مضهود

فاطلب من المولـى يحلـل اعقدهــــا

الواحد الـي كلبينـا لـه اسجــــــــود

الي جميع اعمـال خلقـه رصدهـــــا

هذي نصيحه وانت معطيني اوعـود

واهل الوفى والعرف توفي وعدهـا

قدمتها بالمسـك والطيـب والعـــــود

زرعتها لك زرع وانـت اتحصدهـا

حميتها مـن دون ملحـن وبـارود

خوفـن عليهـا المنتقـد ينتقدهــــا

وختامها العليا لها اشـروط وبنـود

يالـي تبـا العليـا تمعـن وعدهـــــا

[/frame]

المصدر: مجالس البوادنه - من قسم: مجلس الشعر