بسم الله الرحمن الرحيم
بيتين للشاعر/ سحيم بن نقاء .
يا حبيبي من أجلك صار ليلي نهار=وانت قصدك تجرب بي عمايل ذكاك
شارد في ذهول وتايه في إنحيار=بين يمكن ولا يمكن لعلك عساك
رد عليه الشاعر / يحي بن محمد آل عفيص الشهراني مجاراة لهذين البيتين ...
يا طبيب الجراحة جرحي العام جار=وأنت قلب جرحته ماتحمل خطاك
كل ما طاب جرحي من جروح كبار=ليه حطمت قلبي وأنت قلبي يباك
ماحد(ن) قال يا ابن عفيص جعلك مجار=أنا جوي غيوم وأنت صحو سماك
ليه قلبك قسى أقسى من صم الحجار=وانتي لو تطلبين عيوني أقول هاك
إن سمحتي قول لي وش صار=لأجل أدري لأجل أفهم لجل أعرف مداك
وأبغى السالفة وابغى تقولينها بإختصار=وأنت تعرف محبتك وأنت تعرف غلاك
ضعت بين الأمل واليأس والإنتظار=بين كلمة تعال وبين كلمة وراك
أنا مانيب مصدق لو كتبتي قرار=أنا مني الوفاء وأنتي على ما طراك
كل موقف حصل آخذ منه الإعتبار=والله ما أعطيك وانت عينك بذاك
أنتي لاتحسبين الحب لعبة قمار=تحسبينه كذا ولا كذا ولا كذاك
إن تجين فتعالي وإرحتي ودار=وان رحتي ذلوف ما حسبنا بطاك
إن قطعتو الوصل يا ناس فانتو أحرار=أنا مالي على العالم صكوك وملاك
أنت لاتحسب إنا في المحبه صغار=حنّا نأخذ ونعطي وأنت شح بعطاك