واطيري اللي ربيته لين رفرف وطار
ثم اخطفته المنايا في الضحى من النهار
فلكن الله يجعلنا من الصابرين
الموت حق وبعد الموت جنة ونار
أتلا العهد به ورا بوابة المنعشين
وأنا أنتظرهم ياطول الصبر والانتظار
واقوا علي الاطباء والشيوخ الكرام
وقالوا لي اصبر ترى ماقدر الله صار
فرفعت كفي الى جوف السماء وادعيت
وحمدت ربي وهي تلعب علي العبار
وكظمت غيضي وانا في لحظة ماتعود
الصدمه الأولة ياكبرها ياكبار
واخوانه وعمه وخواله يشاهدون
وعليهم اللي علي مالفاجعة والغيار
مشكاً على الله مانشكي على احد سواه
الحكم حكمه وقد صدر علينا قرار
يافلذة الكبد ياقرة عيون الجميع
ياللي جنينا ثمارك قبل جني الثمار
أبكيك وانا على خطك من السايرين
التذكرة جاهزة والطايرة في المطار أبكي فراقك ويبكون العرب من بكاي
عسى الله يعوضك الجنة وخير الديار
وتبكيك ثكلى إذا بات الملا ماتبات
لا كل عين غفت سرت علي بالهشار
والده الشاعر/محمد بن ثايب