ياسلام الله سلام مثل دهم الغيوم=لا أمطرت على أرض تنبت بها من كل خير
يابوحاضر جعل عزك على الدنيا يدوم=ياحفيد العود بن حاضر الشيخ الامير
والله انك محزم العز يا نسل القروم=ووالله انك صارم الحد يالسيف الشطير
ووالله انك مسند العلم في كبار العلوم=ووالله انك فزعة الضيق في اليوم الكبير
يابوحاضر باختصار أنت قضاي اللزوم=كل ما كبرت وصارت عبوس قمطرير

مرحبا ياشاعر لا تقدّم باسم قوم=يتجمّل دون ربعه لا جا اليوم العسير
والله العظيم لو مطلبك دون النجوم=إن أوقّف يا علي وآصله مهما يصير
من تقدّم للطلب وأعتزا لازم يقوم=الجميلة ما تبي واحدً شبحه قصير
ما يجي من دونها إلا الهلايم والرخوم=وما تعذّر من هل الطيب رجلً فيه خير
بومحمد باختصار أنت جلاّي الهموم=كل ما كبرت تحزمت للأمر الخطير