بسم الله الرحمن الرحيم
صورة لشاعرنا / محمد بن ثايب .. مع التحية
1 / 8 / 1432 هـ
ولا يا وجودي وجـد من راح مــــاله لاش
غدوبه قـــلال الدين والرجل مكســـــــورة
يتقلب على الـجنبين ما بين لاش ومـــــاش
وعسى الله يجيرة واكثر الناس ماجـــــورة
وانا بــتعـذر منك والـعـذر مـا يــقــنـــاش
وحق(ن) علينا نعطي الرجل مقــــــــدورة
هذا محمد بن منيف لاجــار الزمان وهاش
عسى بيوت اهل الطيب والعز معمـــــورة
زعيم(ن) تقدم الى زعــامة شعر وشـــاش
والأخبار عند الناس والناس مخبـــــــــورة
وكل(ن) يبي من الطيب والطيب ما ينّـاش
ونفس(ن) بليـــا طيب مــاهـيب مــعــذورة
يكون الفحيل اليا لفو ضيوف من مطـراش
راعي دلال(ن) صفر على النـار منحـورة
ومن روس قوم ما تخلي الظمايا عطـــاش
تلقى لـهم في المجـــد تــواريخ منشـــــورة
ذولا بني رامث ليـا كـــل راس طـــــــاش
يخــلــون الــروس الطـايشـة كنها كــــورة
رجال محـازمهم بلــجيـــــك مع رشــــاش
هل المدح والناموس والأفعال مذكــــــورة
اولاد الـبـويـــدن كـلمــا ذل ولـد الـــــلاش
تامر وتعطي الأمر مــــا هيب مـامـــــورة
لاجا نهار فيه ما عــــاد مـــــا منهـــــــاش
دِميّ العــداء في المعـركة كنه نــافـــــورة
في ساعة(ن) لا فيـه منجى ولا مــنحــاش
اولاد البــويـدن ســـاعة الحـرب مشهـورة
لاون ذاك الــــوقت بــه سلّم(ن) ونعــــاش
مكـان الـمحــاجي كـلها نــاس مقبـــــــورة