بسم الله الرحمن الرحيم
أنا البارحه ما لجلج النوم وسط العين ،، وعزي لعينٍ من حلى النوم منصاعـــه
ويا ونــتــي ونة خلوج مع القطيـــــن ،، مع هجعة النيام للصوت سَّماعــــــــــه
تدور مع الصدير واللي بعد مضميـــن ،، تدور ولدها وراعي الذود قد باعـــــــه
تلاحي حمام الورق وتجـر بالحنيـــــن ،، وفي قلبها دقٍ كما دقة الساعــــــــــــه
الا هني اللي رقـــد في فراشٍ زيـــــن ،، وأنا في حجى رجمٍ تعاوى به سباعـــه
وياراكب اللي كل ما عشقــوه اثنيـــن ،، حفـر في صلاب الخط لين بان مشلاعه
على داخل المحدود حاسب وهّدْ بزيـن ،، وتلقى الكويـــدي يجمع الكيف بأنواعه
وسلم على أبو مفلح حي تيك العيــــن ،، خويٍ على الشِداة ما غير اطباعـــــــه
ولما لفيته يذبح الحايلــــ السميـــــــن ،، ثلاثين نعـــــمٍ ياخذ الطيب بذراعــــــه
الشاعر :، حمـد بن فالـح الشبـوي ..