مجالس البوادنه - عرض مشاركة واحدة

قرناس · 02-07-2011, 06:27 AM

بسم الله الرحمن الرحيم

هذه أبيات الشاعر/ سفير بن علي الحصنه .. يشتكي فيها على الشاعر / يحي إبن عفيص ..

يا مل قلب عذبه زين الوصاف=توه تولع به عسى الله يعينه
الصاحب اللي تو ما سار ميلاف=غر(ن) خذا قلبي بحسنه وزينه
والعين خرساء والهدب له تصفصاف=والبدر كنه فوق عالي جبينه
أبو هروج كنها تمر مخراف=أو مثل العسل في وقت حينه
بشكي على اللي لابدا الشان ما صاف=ابو عفيص العرب خابرينه
اربه يلقى لحلي إنصاف=يجمل وتجمل بالمواقف يمينه

رد عليه الشاعر / يحي بن محمد عفيص

يا مرحباً حييت يابادع القاف=ترحيبة(ن) لك من فؤداي سمينه
ترحيبة من عارف وأنت عراف=ويا مرحبا بالخط يا كاتبينه
واهلا عدد من زار مكة ويطاف=وعداد من زار الحرم والمدينة
برسالة جتني لها عيني إلحاف=وفي وسطها الياقوت والياسمينة
من عند أبو علي شريف من أشراف=رجل(ن) يواصلنا ومواصلينه
يا بو علي تشكي عسى مابه إخلاف=واليوم راعي الحق أصبح يدينه
لانيب دكتور ولا عندي إسعاف=وانا مثيل مضيع الدرب وينه
إن كان شكوى دم فأبشر بالإنصاف=فعل يجمل صاحبه وقت حينه
وإن كان شكوى حب فالحب ينعاف=يقطعك يا حب تبادى بشينه
يابو علي ما تنشد القلب ليش عاف=يا كيف ترضى له بشخص يهينه
إن كان ما قلبه حنون ورواف=فمالك ومال أهل القلوب المتينه
دور لغيرة في القرايب والإطراف=وترى دليل الرجل قلبه وعينه
خلك مع اللي كل ما زفت له زاف=زوف السجين اللي قضى عنه دينه
يا مكل قلب لفه الحب وانلاف=لفاته أسرع من سيور المكينه
اسباب من حط الكوايا بالأنجاف=ناس ثعو في القلب ومشرشحينه
يا سفيّر هذا زمان له أصداف=كل(ن)شكى من علة له مكينه
خلاني أذكر ناعم الطول غرياف=غرو(ن) زهاه الطول بحسنه ولينه
راعي ثمان ذبل بيض ورهاف=وقلبي مع أهل الحب مستيسرينه
شخص جعل في داخل القلب مصياف=فيه الإنارة دايم(ن) مولعينه
بعض الهواء غربال وإجنان وإشعاف=مالوم مظنون يدور ظنينه
هذا جزا اللي لامشى الدرب ما شاف=من حر مابه قام يصفق إيدينه
لاشفت باب صك بالقفل وسياف=فخله ولو فيه الذهب كانزينه
ورزقك على اللي ما يغره بالأشواف=وينجيك منجي نوح وسط السفينه

المصدر: مجالس البوادنه - من قسم: مجلس الشعر