مرادة بين مرعي المحامدة وحزام بن ثايب

[خيال الهدلا]

ياحزام سلم لي على راعي الطيب - راعي العوايد مكرم الضيف والجار
الشايب الي لاعوا عويت الذيب - خلى قلوب العربجية على نار
من شبته حتى غزا راسة الشيب - ماحل في وادي المذلة ولا سار
لا الزير ابو ليلا ولاهيبة كليب - تثبت مع من حط لشعر مقدار

____________________________
____________________________

رد من حزام بن محمد بن ثايب على ابيات الشاعر مرعي المحامدة :

يالله ياللي عندك العلم بالغـــيــــــب ** ياواحدٍ بأمرك تصاريف الاقدار
عنّي وساعدني لزين الاسـاليــــــب ** ولرد قيفانٍ كما لول محّار
ذا جابها من لا غشا هاجسه ريــــب ** مرعي ومرعي من طويلين الاشبار
اللي ترتب سلّم المجــد ترتـــيـــــب ** دعوى منبّه ماغشا مجدهم عار
لاصارت سيوف الملاقى مشاهيـــب ** من لمعها مابين دخان وغبار
يرقى ولدهم بالعلم فالمـــراقيـــــب ** ويحوز مجدٍ مايحوزونه قصار
ويوصل سلامك وانت راعي مواجيب ** ومن لابةٍ نفخر بهم بين الاقطار
وصلاة ربي ماأشرقت شمس وتغيب ** على النبي الهاشمي عد الامطار