من روائع الشاعر المبدع ابن بديع الشهراني

[ذيب الفلا]

بسم الله الرحمن الرحيــم



السلام عليكم ورحمة الله وبركاتة






قصيده {حزينه}

للشاعر القدير

عبد الرحمن بن بديع الشهراني





انا تايه قلبي ورى الحب مدري ليـش

وانا ذايقاً من سبتـه كـل الأوجاعـي


ويا صاحبي قلبي تعامل معه بشويـش

اخاف يتفجر من ورى حدب الأضلاعي



انابيني وبينك مـوده وملـح وعيـش

ومن شان كل اللي مضى قدّر اوضاعي



ترى لوتفارق دنيتي مستحيل اعيـش

بدونـك حياتـي كلهـا مالهـا داعـي



انا مستعد اجيك لو كان دونـك جيـش

وعلشان شوفك لا اتخاذل ولا ارتاعـي



تحمّلت صعبات المواقف وحملك ريـش

اغامر على لقياك لـو تقطـع ذراعـي



وتقابلني بثقل وتغلـي ومـدري ويـش

أجل ليش تجعل قلبي انصاف وارباعي



مثل ما حصل بين الصحابه وبين قريش

حصل مع ضمير لا توفّق ولا انصاعي




ارده واحربه عن طريقك ولكن بيـش

بعزم الضعيف اللي من الوقت منّلاعي



فحرام تسوي في قناة الغـلا تشويـش

اذا صرت تفهم قيمة الحـب وتراعـي

[راعي نطح]

مشكور على النقل الرائع ونتمنى لك التوفيق

[ذيب الفلا]

لاشكر على واجب والله يوفق الجميع

[ذيب الغداري]

شاعر مبدع
مشكور

[السفير]

صح لسان الشاعر
ولاهنت على النقل

[عَبْدْالّْمِحْسِـُـٌنْ]

الشاعر مبــدع وقصيـــده في قمــةةةةة الروعــه . . .
والله لا يهينــــك يا ذيب الفـــــلا ويع،ـطيك ربـــي ألف ألف ألف عــأفيه . . .

ولا تحــرمنــأإ من جديـــدك . . .

فـــديتــــــك . . .

[ذيب الفلا]

أشكركم على المرور