ماعاد لي حيلة

[العقيد]

ياصاحبي ماظل حيلة ولا حيل =والله وتالله ماش حيلٍ وحيلة
ياصاحبي كم لك تروح المراسيل=تروح لك في كلّ يومٍ وليلة
ما أرسلت لك قاله ولا ارسلت لك قيل= أرسل لك أشواقٍ تشب الفتيلة
أدفّها مليون وتجيك تدبيل=وإليا ألتقت بالجوّ مثل المخيلة
يأم العيون الناعسات المضاليل= روحي من الفرقا تراها عليلة
مغير أقطّع ليلتي في مواويل=وإليا أذن المذّن سحبت الطّويلة
الونّة اللي ناتجة من غرابيل=من سبّتك يأم الرموش الضّليلة
لو سمْعها واحد من أقصى سراييل=جاتك دموعه مثل سيل المسيلة