المساعد الشخصي الرقمي

مشاهدة النسخة كاملة : قصيدة للشاعر غانم بن سعد


صوت البوادنه
20-11-2010, 08:42 AM
والله مايطعنك مثل السكاكين=وتصبح حياة الكون عندك كسيفه
الا ليا جالك رفيقك بثنتين=القلب غلس والروابع ضعيفه
اللي بعدها يمكن تزين بعدين=وتصبح مع كثر التجارب خفيفه
ايهون لاونه من القوم الاقصين=ولا علاقتنا علاقة وظيفه
المشكله لاصار من الخشم للعين=وطول الزمان امقابلٍ لك حذيفه
ودي بطيبه راجح فالموازين=وصيته على روس الجبال المنيفه
مانيب خاسر شي دنيا ولا دين=بالعكس بكسب والمكاسب نظيفه
الطيب حظ والمراجل عناوين=ترها على غير البليهي كليفه
اللي تضاحك ناجده والحجاجين=اللي يلين جانبه عند ضيفه
هاذاك بو محمد على العسر واللين=اللي على ربعه بلاد مريفه
مثل الجمل ينقل حمول البعارين=لا حفيت ظهور الجمال الصخيفه
كلٍ يعرف سعود الاقصى والادنين=كريم سبلا والنوايا شريفه
الله يوسع منزله قولوا آمين=وعسى رضا ربي دوام حليفه
في جنة الفردوس ورود ورياحين=تاخذ يمينه ماكتب في الصحيفه