رثاء الأمير سلطان

[العقيد]

الله من قلب شكا كثر الأحزان=حتى غدا له بين الأضلاع حنّة
ياكيف مايشكي بعد موت سلطان=وسهوم بقعا بعد موته مطنّة
سلطان سلطان السعدغيث الأمزان=إلي ربيعه ماتقفَاه كنّة
مرحوم ياسلطان يارمز الاحسان=يامعطي المحتاج من غير منّة
ياغاثة الملهوف يانور الأكوان=ياسعْد من سود الليالي بلنّه
ياأكبر عدو للفقر والفعل برهان=يابهجة اللّي عوج وقته حدنَه
هذي مقادير على طول الأزمان=لابدّها تمشي على انس وجنّة
واللّي مهونها عليْ بعض ماكان=إن المفارق حق والموت سنّة
يالله عسى تجزاه بإحسانه إحسان=وتبيح منه وتبعد النار عنّه
وتسكّنه يارب في خير مسكان=في جنّة مابعدها عاد جنّة
في جنة الفردوس مع نسل عدنان=محمد اللي سنته خير سنّة

[حزام بن ثايب]

اللهم ارحم سلطان الخير