المساعد الشخصي الرقمي

مشاهدة النسخة كاملة : من قصائد بن لعبون


العقيد
05-06-2011, 01:58 AM
يا عَلي صيح بالصوت الرفيع =للمـره قـل تبيعيـن القنـاع
قلْ لها المهرة الصَّفْرا الصنيع=سنَّها عندكـم وقْـم الرّبـاع
نشتري منك كان انـك تبيـع=بالعمر مَيْر ما ظنّـي تبـاع
شاقني يا عَلي قمرا وربيـع=يوم انا آمر وكل أمرى مطاع
يوم أهلنا وأهل مـيٍّ جميـع=نازلينٍ علَـى جـال الرِّفـاع
ضحكتي بينهم وأنـا رضيـع=ما سوت بكيتى يوم الـوِداع
هُم بروني وأنا عودي رفيـع=يا عَلي مثلما تبـرى اليـراع
طوَّعوني وانا ما كِنْت اطيـع=وغلبوني وانا قـرمٍ شجـاع
وانت يا لايمي جِعْلك تضيـع=ما تماري بها مثـل الشمـاع
ودّى أسْلاه والكـون الفنيـع=سَلْوتى يا عَلي مـا تِسْتطـاع
شيِّبَتْني و انا تـوي رضيـع=جاهلٍ توّ في سن الرَّضـاع
دون مىّ الظبى وأمَّ الوضيع=والثعالب وتربيـع الشـراع
راس ريع دخل في بطن ريع=مستطيـلٍ ووديـانٍ وسـاع


______________________________________________
ومن قصائده=ومن قصائده=ومن قصائده


سقى صوب الحي مِزنٍ تَهامَى=على قبـرٍ بتلعـات الحجـازي
يعط بها البختـري والخزامـى=وترتع فيه طفـلات الجـوازي
وغَنَّـى رَاعْبيّـات الحمـامـا=على ذيك المشاريف النّـوازي
صـلاة الله منـي و السّلامـا=على من فيه بالغفـران فـازي
عفيف الجيب ما داس الملامـا=ولا وقَّفْ على طرق المخـازي
عَذُولي بـه عنـودٍ مـا يرامـا=ثِقيلٍ مـن ثقيـلات المـرازي
أبو زرقا علـى خـده علامـا=تحلاهـا كمـا نقـشٍ بغـازي
عليـه قلـوب عشاقـه ترامـا=تكسر مثـل تكسيـر القـزازي
ألا يا ويـل مـن جفنـه علـىما=مضى له عن لذيذ النوم جازي
ومن قلبه إلـى هـب النعامـا=يجرونه على مثـل الخـزازي
تكـدر ماصفـى يامـا ويامـا=صفا لي من تدانيـه المجـازي
ليالي مشربـي صفـو المُدامـا=وثوب الغَيْ مَنْقُوش الطِّـرازي
مضى بوصالها خمسة عوامـا=وعشرٍ كنهـن احـزاة حـازي
بفقدي له ووجـدي و الغرامـا=تعلمـت النياحـه و التعـازي
وصرت بوحشةٍ من ريم رامـا=ومن فرقـاه مثـل الخازبـازي
عذولي فـي هواهـا بالملامـا=يعزيني وأنـا مانيـب عـازي
وكل البيض عقبه لـو تسامـى=فلا والله تسوى اليـوم غـازي
سلينـا لا حـلال ولا حرامـا=عليهن الطـلاق بـلا جـوازي
وحياة الشـوق فيهـا والهيامـا=وقـدٍّ منـه يهتـز اهـتـزازي
وخـدٍّ تـمّ بـه بـدر التمامـا=وجعدٍ فوق منبـوز العجـازي
فـلا بـي عقبهـا زاد ولامـا=وجزت من الغوى والغي جازي
وخضت ابحور ليعـاتٍ تطامـا=خلاف الانس ضاقت وين ابازي
نِكِيف الهم فـي قلبـي ترامـا=وجيش البين بالغزوان غـازي
اريده وانكسر كسـر السلامـا=بِسَيفٍ جَرّدَهْ ما هُـوب هـازي
علي بخت الدهر ليتـه تعامـا=وخلاهـا وليتـه مـا يـوازي
ليتي ما حكيت بهـا وأنـا مـا=بكيت الها وفي قلبي حـزازي
أظـلّ مساقـمٍ دوم الـدوامـا=وهمومي فيه تتحـاز انحيـازي
الا يالله يـامــن بالـمـلامـا=يسلّم يـوم تـرزاه الـروازي

فارس السلام
05-06-2011, 02:02 AM
يدل إختيارك للقصيدة على ذائقتك العاليه

العقيد
05-06-2011, 02:20 AM
لك كل الشكر على المرور يافارس السلام

السفير
05-06-2011, 02:42 AM
مشكور على الطرح

خيال الهدلا
05-06-2011, 01:31 PM
لــك مــنــي كــل الـتــحــايــا ,,,

فارس ربعه
05-06-2011, 05:17 PM
مشكور على الطرح الرائع

العقيد
05-06-2011, 08:27 PM
السفير أشكر لك مرورك

العقيد
05-06-2011, 08:28 PM
خيال الهدلا لاهنت على المرور

العقيد
05-06-2011, 08:29 PM
فارس ربعه لاشكر على واجب وأسعدني مرورك