طيبة ملك

[حامد ال عفيص]

هذه القصيدة بمناسبة شفاء خادم الحرمين الشريفين الملك / عبدالله بن عبد العزيز آل سعود .
طول الله في عمره وألبسه ثوب الصحة والعافية لوصوله الى أرض الوطن المملكة العربية السعودية سالماً طيباً معافى.


يامرحبا في مرحبا الله يحيـيك
يامرحبا في مملكتك الحبــيـبة

المملكة والشعب كله يهنـيـك
ياخادم البيتين مكــة وطــيـبـة

نفديك بالارواح والدم نفـديـك
يا من غشى شعبه بحبه وطــيـبـة

من الفرح الأعلام ترفرف تناديك
كنها تقول طولت عنا المغيبة

نفز لك ونفز لاسمك وطـاريك
يد مع يد في كف (ن) قطيبة

نحب من حبك ونعادي معاديك
وحنا دروع لك لياجا حريبة

شعبك يابو متعب يـحبك ويغليك
يعطي الولاء لاما تخرج كتــيــبة

بو متعب الله يطول مهاليك
قلبك مع شعبك وعينك رقيبة

الله يطول عـمرك والله يعافيك
المملكة طورتها اشــياء غـريبة

يا المملكة مالك شبيه يجاريك
ولك العجب يا مملكتنا العجيبة

أرض بها الإسلام مافيه تشكيك
أمن وأمان ودين والاجواء الرهيبة

مهبط وحي مافيه لاذي ولا ذيك
وسنة نبينا محمد(ن) نقتدي به

ياخادم البيتــين تــسـلم اياديــك
يدك لـفـعــل الخيــر دايــم قـريـبـة

يالله عساها في موازن حسانيك
المكرمة ماهي علـيـكم صـعــيـبة

ومهما نقول من الشعرومدحنا فيك
الأقلام تعجز وألســـــــــتنا الرطيبة





من جديد الشاعر/يحيى بن عفيص .