رثاء في محمد بن عفيص

[مخــاوي النشاما]

مرثية يحيي بن عفيص في والده وكان من شعراء جيله البارزين وخصوصا في المحاوره
وكان سريع البديهه في الرد وخصوصا الرد على الالغاااز:-
مماتناقله الاباء
يقول احد الشعراء في محاوره
بنشدك عن بنت وهي عجروده == قامت تزين لابدالك شاني
فرد محمد بن عفيص على هذا الشاعر في الحال :
اخير ظني انها الباروده == أمات خمس شالعت الاكواني

نرجع للموضوع وهي مرثية الشاعر يحيي بن عفيص


مرحوم ياعود توفى على طيب = بو مرحبا للضيف والباب مفتوح
ريف الضيوف مدورين المعازيب =تنشد عن اللي له مقام وممدوح
مع دلال البن كثر التراحيب =ونجر شكى من دقه البن وينوح
بو فايز لاجاه راعى المواجيب =لبا مطاليبه ولا هوب شاحوح
يمد يمنا ماتنافض على الجيب =ويعطي عطايا تجعل البال مشروح
فالله من زين النبا والتعاجيب =ومداعبات الضيف لين انه ايروح
مازل بلسانه ولا قطب الجيب =ولا خذا في زلة الجار مصلوح
ولا سار في زله ولا سار في عيب =وان جاه زلة غالي قال مسموح
مجرب الدنيا على كل تجريب = لايجرح العالم ولاهوب مجروح
يالله يامعبود قاضي المطاليب =انت الذي تعلم وتفهم عن الروح
تدخل عفيص الجنه بدون تعذيب = بوي الذي في غيهب القبر مطروح
هو ضيف لك ياعالم السر والغيب =ياخالق ٍ خلقه ويامنجي نوح
وصلاة ربي عد وبل ٍ سواكيب = على انبيانا من محمد الى نوح