علي اليتيم
30-01-2011, 10:54 AM
علي اليتيم
يابومحمد صار في الوقت تحريف=فعل الجمايل ماله اليوم مخلوف
إسم الوفا يذكر ولكن ما شيف=قدّم وفا تجزا بنكران معروف
وين الرفيق اللي بعسر المواقيف=يقوم عن قومة طوابير وصفوف
إذا تجمّل ما يعد المعاريف=وإذا زهمته جا كما السيل مجروف
ماهو بيحسب في الجميلة تكاليف=ولاهو بيلحقها تمنّان وحسوف
بأسعى ورا رفقة جزيل التصاريف=وبأصد عن رفقة ضعيف وملقوف
فأن كان مابه كون عرف الملاقيف=فأنا على الدنيا معرّب ومعروف
أما لقيت اللي على الشف والكيف=وإلا على الرديان ماني بمكلوف
عبدالرحمن بن بديع
يامرحبا عد المزون المراديف=براقها في ظلمة الليل مشيوف
رحمة رضا ماهي بعذاب وعواصيف=غدق مطرها مابها زيف وشعوف
ياشاعر عديت روس المشاريف=وبنيت لك قاف مروّض ومعسوف
لو إنه جايك من زمانك عجاريف=يابومحمد نكسر لشفّك شفوف
لكن تشكي من ضعاف التصانيف=اللي رداها للمناعير مكشوف
ترا البشر ما تتفق بالتصاريف=وأن كان دققت النظر ويش بتشوف
جنّب معرفة كل ملقوف وضعيف=حتى ولو تدفع لفرقاه مصروف
والحكمة اللي قلتها أمضا من السيف=تسوا لها عشرات وميات وولوف
أما لقيت اللي على الشف والكيف=وإلا على الرديان ماني بمكلوف
وسلامتكم جميع
يابومحمد صار في الوقت تحريف=فعل الجمايل ماله اليوم مخلوف
إسم الوفا يذكر ولكن ما شيف=قدّم وفا تجزا بنكران معروف
وين الرفيق اللي بعسر المواقيف=يقوم عن قومة طوابير وصفوف
إذا تجمّل ما يعد المعاريف=وإذا زهمته جا كما السيل مجروف
ماهو بيحسب في الجميلة تكاليف=ولاهو بيلحقها تمنّان وحسوف
بأسعى ورا رفقة جزيل التصاريف=وبأصد عن رفقة ضعيف وملقوف
فأن كان مابه كون عرف الملاقيف=فأنا على الدنيا معرّب ومعروف
أما لقيت اللي على الشف والكيف=وإلا على الرديان ماني بمكلوف
عبدالرحمن بن بديع
يامرحبا عد المزون المراديف=براقها في ظلمة الليل مشيوف
رحمة رضا ماهي بعذاب وعواصيف=غدق مطرها مابها زيف وشعوف
ياشاعر عديت روس المشاريف=وبنيت لك قاف مروّض ومعسوف
لو إنه جايك من زمانك عجاريف=يابومحمد نكسر لشفّك شفوف
لكن تشكي من ضعاف التصانيف=اللي رداها للمناعير مكشوف
ترا البشر ما تتفق بالتصاريف=وأن كان دققت النظر ويش بتشوف
جنّب معرفة كل ملقوف وضعيف=حتى ولو تدفع لفرقاه مصروف
والحكمة اللي قلتها أمضا من السيف=تسوا لها عشرات وميات وولوف
أما لقيت اللي على الشف والكيف=وإلا على الرديان ماني بمكلوف
وسلامتكم جميع