للشاعر مناحي ابو شعتين

للشاعر مناحي ابو شعتين

هذه القصيدة للشاعر الكبير مناحي ابو شعرتين وهي من أجمل القصائد لأبو محمد

كل شيء منسي يكون الردى ولا الجميـل
هذي الثنتين تبقـى علـى طـول الحيـاه
الخطاء والصح ما هوب حبر لـه مزيـل
ينطبع بالقلب واليا انطبع ما شـيء محـاه
والتماني ما هيب تشفـي القلـب العليـل
والسراب لظامي القيظ ما يـروى ظمـاه
والنصائح ما هيب تنفـع القلـب الهبيـل
الهبيل اللي يوصـي الموصـى بالوصـاه
فودي اكسر عظم ساقي ولا اطلب لي بخيل
اتحمـل كسـر ساقـي ولا منـت عطـاه
من ترجى فزعت الضيق من راس الذليـل
مثل من يبغي المغارير من صم الحصـاه

المصدر: مجالس البوادنه - من قسم: مجلس الشعر