قصيدة مهداة لكل فرد من قبيلة

قصيدة مهداة لكل فرد من قبيلة

بسم الله الرحمن الرحيم
السلام عليكم ورحمة الله وبركاته ........
هذي قصيدة للشاعر/غانم بن سعد بن شرف البوادنه الشهراني
مهداه لكل فرد من قبيلتة البوادنه ولكل شريف متذوق

[poem=font="simplified arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
ياناشد عنا ترانا هل الدار=ان كان تنشد فاخذ علم اليقيني
هل هجرةٍ يامن بها الضيف والجار=وكرامة الاثنين سمن وسميني
وصحون تمر من جنا حلو الاثمار=في وقتنا الحاضر وماضي السنيني
ومجالس تلقى بها بن وبهار=قدام تعرفني وقبل ماتجيني
هل عزوةٍ تشهر على قب الامهار=خيالة الهدلا عيال البديني
احرار وبنا احرار من صفوة احرار=ماحن بلفوٍ من يسار ويميني
خمسة اخوان كلها تاخذ الثار=مامنهم اللي راح له رمس ديني
سريع وثابت كل مارد ومصدار=وشحط ومقحف وافيه كل حيني
ومنا سلامه راح بحدود الاقطار=مع مطير وحبل واصل متيني
ودار الزمن دورات والوقت دوار=وصارت قبيله تقلق الحاسديني
ذولا بني عمي طولين الاشبار=مافيه فرق بين خشمي وعيني
عيال من جاله مواقيف واذكار=وفعول طيب تعجب السامعيني
مايعطي الخاوه مع سايرٍ سار=ويفرض عليها خاوةٍ ماتليني
وبينه وبين النمر قصة ومشوار=في غابةٍ اشجارها اثل وعريني
تواجهوا والموت قصاف الاعمار=الموت يبغى واحدٍ من اثنيني
الزرب في يسراه والشوك طيار=لجل ايتحاما من سهوم اليديني
واوما عليه بويدن والشبا النار=السيف حد وفي ايد ذرب اليميني
وقطع قوايم مقدمه والتزفار=مثل الجمل لاعقلوه القطيني
وتباشرت كل الرعايا والاسفار=اهل الطريق مروبعين الهجيني
وحط الرحال وحل واختار ماحتار=متمكنن من كل شي مكيني
ابوه ناهس والفخر قصر واسوار=وشهران فخر اجدودنا الاوليني
هاذي علومي كلبوها والاخبار=كله على شانك وشكلك تبيني
فان كان تبغاها مصاليح واستار=اقول خل العلم بينك وبيني
وان كان تبغاها دخاخين واغبار=حنا رحاة الحب وانت الطحيني


[/poem]

المصدر: مجالس البوادنه - من قسم: مجلس الشاعر غانم بن سعد البوادنه