قصيدة الشاعر . شاهر بن محسن البديني

قصيدة الشاعر . شاهر بن محسن البديني

من ديرة الجابر تنويت بلده
بأقصى شقى نجد بالحجاز صعود
........
نويتها يازبن وادنيت موتري
جيب ليا طال الطريق يزود
........
ثلاثة ايام على الوجه مقفي
اسري الليالي والعباد رقود
........
والفيت لها عسى الوبل يسقي ارضها
يسقيها من نو السحاب رعود
........
ولقيت ربع يبهج الصدر عرفهم
يربطنا بهم من الاولين جدود
........
يربطنا جد يرعب الخيل بالقنا
يفرض ولا تفرض عليه قيود
........
حمى وادي به الخوف منتشر
والمال في غشــــاه ركـــود
........
ياكن جلد الخيل قدام سابقه
صيد البراري مقتفيه طرود
........
اميرهم ردعان للطيب منهجه
شيخن ليا شان الزمان يجود
........
جيته قبيل العصر والستر ناظري
عليه من شارات الرجال بنود
........
ساعة لقيته قال يارجل مرحب
ابرك الليالي والايام سعود
........
تلحظ عليه النبا طيبة النبا
ولاهو من اللي بالكلام لهود
........
واولاد عمه طيب الذكر ذكرهم
كرام اللحا هم بالاوصاف أسود
........
منهم بني شحط المسمى وثابت
واولاد مقحف والسريع فهـود
........
ايقابلون الضيف في كلمة الرضا
ولا ظني لهم بالمكرمات حدود
........
كنه مضالي بين الاجواد ماضي
عرف مضاله بالايام امدود
........
هم ذخرنا في حالة الكود والرخا
هم لنا في يوم المعضلات زنود
........
في ثالث الانوام يازبن زرتهم
واوصي لصلب المقبلات يرود
........
الله على من زار الاجواد بالقيل
العمر ما يجري عليه نكود
........
قبل انتقال الروح في سابع السما
ويجري عليها من الاله نشود
........
ولاقلت انا يازبن بالمدح زله
ولاني لطيب الخيرين جحود
........
...............................................
هذه قصيده ممتدحا في قبيلة البوادنه
واعذروني على التقصير في سرد هذه الابيات ولم احفظ باقي ابيات الشاعر..شاهر بن محسن الاصقه البديني ..
ملاحظه: زبن..هو احد ابناء هذا الشاعر ..

المصدر: مجالس البوادنه - من قسم: مجلس الرمثين