قصيدة حمد السعيد

قصيدة حمد السعيد

والله اني كنت الوم اللي يضيق ان غاب خله.
لين جربت المحبه والفراق وقلت توبه...
لعنبوا جد المفارق فيه هم وفيه ذله.
أثركل الحب لذه والفراق اكبر عيوبه...
أمس فارقت الغلا ومفارق الخلان عله.
والعلاج الوصل لا ينفع طبيب ولا حبوبه...
الزعل هو سبت الفرقا يهز الحب كله.
ليتني طولت بالي قبل لا يعلن غروبه...
واهني اللي وسيع الصدر صدره وسع فله.
غلطت الصاحب تجي وتروح ماهي بمحسوبه...
سامح الله طبعي اللي للتغير يالعله.
قاضبن خلك عزيز ولين صارت لي عقوبه...
ليش تحسب غلطت الصاحب على الصاحب مذله.
ليش ما تحسب ميانه لو تجي عشرين نوبه...
لا وربي كنت احبه حيل مادورت زله.
لا تشكك في غلاه ولا تساعد في هروبه...
لايمي قبلك تعبت اللوم شعار المجله.
وكنت مؤمن في مقولة اعذب الشعر الكذوبه...
واثر كلن في حياته له تجارب مستقله.
وانت لا تشره على مثلي وتبلاك بحوبه...
كان جابتك الحميه روحله تكفى وقله.
لا يخليني واذا وده يخفف من ذنوبه...
يستخير وله غلا قلب صدوق ما يمله.
فدوتن له كل قلبي من شماله لاجنوبه...
يوم قفى والخفوق يفوح عقبه فوح دله.
وسط وقدت واحد عز الشتاء والسهر دوبه...
لا تقهوى بارده من برد فنجاله وزله.
ثم قربها على جال الجمر وارها شبوبه...
وين يدله هالخفوق وكل ما يدله يتله
طاري اللي ياكثر مااتعبت رجلي في دروبه...
لا طرى جريت ونة من بلاده مستحله.
مثل ماراحت بلادي مع شعارات العروبه...
كل هاجوسن يجيبه جعل شعري فدوتن له.
واعذابي كل ما جابتلي القبله هبوبه...
مشغل قلبي بحبه دون خلق الله من الله.
هيه ياللي ممتلكني حسن واسلوب وعذوبه...
ما سمعت ان الخوي له بالخوي تسعين زله.
وانت طوف زلتي يعل تفداك اللعوبه...
صاحبي سيف الهجر لاصرت تقدر لاتسله.
ما تظن العفو عند المقدره اكبر عقوبه..
ايه أنا اللي كنت الوم اللي يضيق ان غاب خله.
بس جربت المحبه والفراق وقلت توبه..

المصدر: مجالس البوادنه - من قسم: مجلس الشعر