خلقت في الدنيا وأنا ما معي شيء ........

خلقت في الدنيا وأنا ما معي شيء ........

هذه القصيدة وقصتها اعجبتني واحببت ان انقلها لكم وان شاءالله تعجبكم

كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عن الكرم . حيث ان كرمه واجد جداً وحواله بسيطه . ومن ضمن الكلام الذي قالو له انت مانت حاتم الطائي (مصوت بالعشاء) وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يامبارك عسى ما شر هل انت هوجست قال نعم ثم قال القصيده التاليه :

سجـه مـع الهاجـوس طبيعةٍ ـلـي
طبيعةٍ بامـوت ماجـزت عنهـا
اشكي على الخلاق وارفعلـه ايـدي
لا كثـرت الافكـار يـفـك منـهـا
اما الكرم قـد فاز بـه حاتـم الطـي
حتى الفرس من شان ضيفه طعنهـا
خلوني اكرم في حياتـي وانـا حـي
ولامت مـدري جثتـي مـن دفنهـا
خلقت بالدنيـا وانـا مامعـي شـي
وباروح منهـا مامعـي شـي منهـا
لابد مانرحل عـن المـزح والغـي
ونسكن بيوت قبلنـا مـن سكنهـا
مسكين ياللي تحسب الواجـد شـوي
العافيـه لـو تنشـري وش ثمنـهـا
ياجاهل الدنيـا تراهـا كمـا الفـي
ويامخبل اللـي فـي حياتـه ومنهـا
ان ناحرت لك قامـت تـروح وتجـي
مثل الذلـول اللـي طويل رسنهـا
وان دبرت خلتـك طايـح ومرمـي
كم واحد لـه حاجة ماضمنهـا
يالله عسى الحسنات تقضي على السي
لاقربـو للنفـس ذرعـت كفنـهـا

المصدر: مجالس البوادنه - من قسم: مجلس الشعر