من المسؤول

من المسؤول

العالم المجهول

الايالعالـم المجهـول حدثنـي عـن المجهـول
انا احس الحياه اسـرار والعالـم تعيـش ابهـا
انا اكتب فيك شعري واتسـأل وانتـه المسئـول
عـن الفكـره وشاعرهـا وقاريهـا وكاتبـهـا
تعبت اطرح سوالاتي وافكـر مالقيـت احلـول
ماغير اطرح سوالاتي علـى نفسـي واجاوبهـا
لياقلت الخيال احلـى يامـر الواقـع المعقـول
اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهـول
سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول
طريقً شـاب راسـي منـه وامثالـي مشيبهـا
طريقً فيه عز النفس يشهـر سيفـه المسلـول
وقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول
انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول
ليافاضـت تسابـق ساعـة الوقـت وعقاربهـا
تمر اثقل من اللحظه على اللي ينتظر مرسـول
لكن اسبق مـن العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول
انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول
سلاطيـن المعانـي فيـه مرسيـةً مراكبـهـا
بحر في عمقه الاهوال والفاعل مـن المفعـول
لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول
تجارة رابحـه فالبحـر جابتنـي وجيـت ابهـا
سنين اجمع من اللؤلؤ واعد الحول بعـد الحـول
وصفيتـه علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول
وقدمـه مزنـةً غـرا وبـرقً فـي جوانبـهـا
وفوقه بادياً مبـدا القمـر مبـداً عليـه ايحـول
شعاع الشمس في يوم امس لحظه قبل مغربهـا
هذا وصفً تحلابـه عشيقـة عاشـقً مذهـول
يعيش ابحبهـا وايهيـم فـالارض ويهيـم ابهـا
يجاذبني هواها وايتجاذبها شـرف واووصـول
شريفـه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول
لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول
هذا سلم الحياه اللي يعيـش ابهـا يمـوت ابهـا

لاتحدّاني

المصدر: مجالس البوادنه - من قسم: مجلس الشعر

وش ذا التميز ياربيع نجد وش بقيت وش بقيت

اسمح لي ابدي اعجابي بقلمك وتميزك واسلوبك الراقي وتالقك

[frame="7 80"]

[glow=#c72c2c]وانا اقول الله الباقي وغيره كـل شـي ايـزول


هذا سلم الحياه اللي يعيـش ابهـا يمـوت ابهـا[/frame]

ربــيــع نــجـــد مــواضـــيـــعـــكـ فــي قـــمـــة الإبـــداع مشكوووووور والله يعطيك الف عافيه [/glow]

مشكور على المشاركة وبيض الله وجهك

الله يعافيك يالفاروق وياالسفير وياخيال الهدلا والكاسبر ويبيض وجيهكم على المشاركه ونسأل الله التوفيق والسداد للجميع

يبي يبي يبي إي ده ياربيع نجد قصيدة في غاية الروعة

سلمت ياربيع نجد ونتطلع للزيادة

فيه تحدي...........

والله يبيض وجهك
وصح لسانك

وقريباً ديوان لربيع نجد

مشكورين على المشاركه والتفاعل مع القصيده ولاتحلو المشاركه الابتفاعلكم معها والله يعطيكم العافيه