مساجله بيني وبين ابن عفيص

مساجله بيني وبين ابن عفيص

قصيده اسندتها لشاعريحيى بن عفيص وقام بردعليهاارجوان تحوزعلى رضاكم

يابن عفيص الوقت ياكم لي ارجيه = لاكن عيى من الرجاوي ولي خان
عيى يطيع وكل ماجيت اناوصيه = خلا وصاة كلهابروحسان
هذي سنه وناارفع الصوت ودعيه = ادعيه بعلاالصوت واقول غلطان
لاكن حط اصابع ايديه فذنيه = من شان مايسمع ند قلب ولهان
وحترت اناياصحبي من تجافيه = ومن قول شمات عليناوفتان
ولاعادبيدي شي حتى أسويه = يكون مايطلق علي اني انسان
اسندلك الدعوى على الوقت وشكيه = لنك الطبيب للي بذالدرب فهمان
ونت الذي يابومحمدانوافيه = بلي جرى من وقتناسروعلان
فن كان تامرني على الوقت اجافيه = فمرك يطاع ابدون زودونقصان
ون كان عندك من علاج يداويه = فاضنك ابتكسب مثوبه وغفران
هذاالجواب وعطني الحل عطنيه = يابن القروم اللي لهالطيب نيشان
وصلاةرب البيت ولي سعى فيه = على شفيع الخلق انس مع جان

الشاعر/محمدبن عبدالله بن مسعر


يالله ياللي كل عين تراعيه = تفرج لشخص شايف ان الدهرشان
تفرج لمن قلبه تقطع عراويه = راحت حياةالقلب في هم وحزان
فيامرحباباللي لفتني شكاويه = ترحيبة يرجح بهاكل ميزان
بوعبيدارسل جواب يخفيه = متهيض في حب مدعوج لاعيان
يشكي علي الوقت والوقت حاديه = وقت غدربفلاوفلان وفلان
فن كان وقتك يابن الاجواد راضيه = فارجوك لادورعلى الوقت ماشان
ون كان وقتك راح لاعادتطريه = دوربدال الوقت من حيث ماكان
ون كان وقتك له هوى ونت هاويه = اكتب على باب الهواءباب عشقان
اماطردت الحب وصبحت راعيه = ولاخليت الحب من غيرحقران
ون كان لك وقت مع الناس راجيه = فبغاالسموحه مامعي فيه عرفان
والله لاوني اعرفه لافاجيه = واجيك به لويتكلف يارفيقي بماكان
لاون بيدي حل لشكي واداعيه = شكيت وقت حط الاصحاب عدوان
لوكان درب الحب كل مشى فيه = كم عاشق لاماضوااليل سهران
قدامنابوزيدوعليا ء تناديه = وقيس وليلاجالهم صيت ومكان
وعبله وعنتركان تسمع بطاريه = تسمع بقصتهم حدابعض لاحيان
كل خذامن الحب في ايام ماضيه = وتلقى لهم في الحب قصه وديوان
لاون راعي الحب يعطى مناويه = كان اتمنى لك منى كل ماكان
ذكرتني وقت وناكنت ناسيه = وقتِ مضى قد كنت والوقت صحبان
واليوم لاشفته ولاعاد باجيه = حطو على شاني حراسه وبيبان
لاصارمالرجل نفس تعنيه = فلاخيرفي رجل بلاقلب ولسان
وختامها اول كلامي وتاليه = صلوعلى سيد البشر نسل عدنان
اعدادمانبت الحياء في مفاليه = وعدادمايمطرعلى لرض ودان
الشاعر/يحيى بن محمدبن عفيص

المصدر: مجالس البوادنه - من قسم: مجلس قريحة الاعضاء

صح لسااااانك يابو عبدالله وصح لسااان ابو محمد
جزلين ووااااافين وامتعتونا بما نسجته افكاركم وخطته اناملكم
[blink]لكمااا جل تقديري واحترامي[/blink]
000000000000000000000

بيض الله وجيهكم

الرمثي
وجهك ابيض لاعدمتك ولاهنت على مرورك
تقديري

مخاوي النشاما
صح الله ابدنك وبيض الله وجهك ولاهان راسك على مرورك العطر
الذي اسعدني وهوشرف لي
تقديري

صح لسانك يابوعبدالله ولسان ابومحمد وبيض الله وجيهكم

فارس ربعه
صح الله ابدنك ولاهان راسك على هذا المرورالعطرالذي اسعدني
تقديري

صح لسانك يا بوعبد الله وصح لسان بو محمد
وافيين والله يبيض وجوهكم
ونتمنى لكم التوفيق ..

[glow=#ff7700]

صح لسانك ولسان بومحمد

[/glow]

قرناس

صح الله ابدنك وبيض الله وجهك ولاهان راسك على مرورك العطر الذي اسعدني
تقديري