علي اليتيم و غازي بن عون

علي اليتيم و غازي بن عون

علي بن محمد اليتيم

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كل ما سمعت من شاعر بيت فريد=حرّك هجوس القرايح وهيّض شوقها
لاسمعته يطرب البال لاصغاي النشيد=والعيون يطيّر الهيض راحة موقها
والهجوس تشوق وتشوش للبيت العنيد=بيت من تروقه النادرة ويروقها
شاعر يعطي ويرهي من الذوق النضيد=داخل سوق النوادر وماخذ سوقها
شاعر من عزوة عتيبة كعام الضديد=لابة تاخذ وتعطي الرجال حقوقها
ابن عون اللي قصيده يشوق أهل القصيد=كل ما غنا بيوت الشعر بطروقها
غازي اللي كل يومين بابداع جديد=شاعر ينظم ويعطي القصايد ذوقها
ياسلام الله على شاعر الحرف المجيد=شاعر يبدع لا منّه بدع طاروقها
وياسلام الله على كاسب الذكر الحميد=من هجوس تطلع النايفة وتفوقها
ساقها التقدير والطيب والعرف الوطيد=والوفا والمرجلة والمعزّة فوقها
أنت يابن عون لك بالشعر مجد تليد=وغايص بحور الشعر لين جيت عموقها
يابن عون الشعر جاته مقدّمة الزهيد=ودّك إن هروجها ما تعدّا حلوقها
عالمً ماقصدها تفيد وإلا تستفيد=والبلا إن المشكلة ما تخاط فتوقها
كل شاعر له قصيد بيبقى له رصيد=والقصايد لا تمعّنت شفت فروقها
فيه قاف لا سمعته مثل صرم الحديد=وقاف يجدد على أهل الحروق حروقها
وقاف بيوته بليده وطاروقه بليد=وجعل من سوّاه شمسه يغيب شروقها
صار كلً عنده إنّه بالابداع الوحيد=لكن الكلمة تقدّر حسب منطوقها
والسلام ختام بالمسك والمغزا بعيد=وكل درّة نادرة في وسط صندوقها
[/poem]

رد الشاعر/ غازي بن دخيل الله بن عون العتيبي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مرحبا ياماجد من مجيد من مجيد=من شجرة نهر الأمجاد يسقي عروقها
جدّكم يآل اليتيم أخّر إرثه للحفيد=والحفيد تشوقه الطايلة ويشوقها
حبها جار مجاري دميّه في الوريد=ولا غرابه لو عشقته وهو معشوقها
دام أبوه محمد اللي بنا مجد مشيد=للعيان مزون جوده تلوح بروقها
نظرته لأعلا المعالي يشوم عن الزهيد=وفاز بمهار المعالي وفاز بنوقها
وفي الشعر شبره عن الزير ما ينقص يزيد=ولبس تيجان الروابع وقلّد طوقها
كل ما ألقى بكرة مارقت غارب وجيد=شفت حنج إبله عليها ووسمه فوقها
ومكرمات معاويه شفتها في إبنه يزيد=والسلف يمشي خلفها على طاروقها
وعلي سنّه سن جندي وفي شعره عميد=من رجال ذوقنا يتفق مع ذوقها
يطمح لروض زهوره مع الغربي تميد=ولا لقى قفر المعاني قطف زملوقها
ما نهج منهج محيميد وفواد وفريد=شلة في كل مذياع نسمع بوقها
خنفشاري شعرهم مثل شعر أهل الصعيد=طيور بحر تمدح أبطاطها غرنوقها
وصار للغرنوق مخلب ومنقاره حديد=وحط له وقايع ما تخاط شقوقها
والحرار اللي ليا هدّت من أول تصيد=مبرقعة ومجودين القنوص سبوقها
وكل مستشعر بالاعلام حصّل مايريد=لو يعزر في القوافي ويلوي عنوقها
ياعسى راعي قناة يدفّه ما يفيد=وجعلها علاقة ينقطع معلوقها
وختمها صلّوا على الصادق الهادي الرشيد=عد براق المخايل وعد ودوقها
[/poem]

المصدر: مجالس البوادنه - من قسم: مجلس قريحة الاعضاء

صح لسانك يابو محمد وبيض الله وجهك

وصح لسان الشاعر غازي بن عون

ولاتحرمنا من جديدك

يا ذيبان

تقبل مروري

صح لسانك ولسان غازي

[glow=#e81212]
صـــحّـــتــ ألـــســنـــتـــكـــم بـــدع جـــمـــيـــلــ وردٌ كـــذلـــكــ وأبــيــاتٌــ جـــزلـــهـ مـــنــ شــعـــراء جـــزلـــيـــنــ ,,,

لاهــنــتــ يــابـــو مــحـــمـــد عـــلـــى الــنـــقـــلــ الـــرائـــع والــفـــريـــد ,,,
[/glow]

صح لسااانك يا ابن اليتيم

بدع ورد من اروع ما قريت

تحيتي....

صح لسانك يابو محمد ولسان الشاعر غازي بن عون

بيض الله وجيهكم

صح لسانك ولسان غازي بن عون

صح لسانك يابومحمد ولسان غازي العتيبي

صح لسانك يابو محمد ولسان غازي وكما هي العادة إبداع منقطع النظير