ياحي من حـرك خفوقـي بقافـه
حـن الخفـوق وجاوبنّـه حنـايـاه
قافٍ سليل المجـد بالفكـر حافـه
لين أكتمل سبكه وجبكه ومعنـاه
اللي عسف عسر القوافـي عسافـه
باسلوب شاعـر كامـلاتٍ مزايـاه
يوم ان ولد الـلاش عينـه خلافـه
نايف رقـا راس الطويـل وتعـلاه
بينه وبيـن الطيـب خـوه ولافـه
ورثٍ لجدانه هل الطيـب والجـاه
بمـدح رجاجيـل الوفـا والخلافـه
والآد زايد طيب المـدح تزهـاه
دواسـرٍ يـوم الشقـا والمخـافـه
يأمن حماهم في الجهل ماحدٍ جـاه
والدوسري مـن شامجـه مايِعافـه
من سالف الدنيـا طروقـه مخـلاّه
ومدحك يانايف طيب راس وسنافه
مدحٍ على معناه مـا هـو مضاهـاه
بثيّةٍ في كـل الصحـف ياصحافـه
لجل العـوارف والمطاليـق تقـراه
__________________