باسم الله ابدا ماتهيضت مـن غنـا=بيوت من الظامـر تهيـا مجالهـا
بديت مـن ذكـر الله رزاق خلقـه=وهو الكفيـل برزقهـا واعتنالهـا
يامل عين حـارب النـوم جفنهـا=عادت لذيذ النـوم يـوم اعتدالهـا
لولا مسيري بعض الاحيان في الخلا=اسلا ليا سجيـت رجلـي لحالهـا
كان اخطرت مني معاليـق الحشـا=من حسة في الجوف زاد اشتعالهـا
تفكرت في الدنيا كفـى الله شرهـا=وشفت اختلاف الوقت واللي جرالها
دنيـا بهـا الانـذال دلـت دليهـا=والاجواد خطـر لا تقطـع حبالهـا
شفت البلا وابديت بعـض المثايـل=مثايـل واختـرت منهـا جزالهـا
لاتبدي الشكوى علـى غيـر ربـك=واصبـر لعـل الله يفتـح قفالهـا
ولاتبدي الشكوى لبعـض القرابـة=ترى بعض الاقراب مـا ينشكالهـا
تلقى من الجيران خير مـن الاهـل=غـدا بهـا الاول سبقنـي وقالهـا
وعينت انا الاصحاب يعجبك قولهـم=عند الرخا والضيق يبدي خصالهـا
وان خليت يمينك وضدتـك حاجـة=غـدوا كمـا ذود كثيـر جفالـهـا
وانا اشهد ان الفقـر للرجـل علـة=وانا اشهـد انـه علـة لا دوالهـا
كم من فقيـر قـل حيلـه وحيلتـه=ويعـز نفسـه لا يبيـن حوالـهـا
ولاتطـرق عيـب غيـرك بغيبـة=ونفسك تشل من المعيبـة ثقالهـا
ولاتعجل خـل حلمـك بـلا سعـه=والنفس خل الصبر والحلـم فالهـا
واعرض عن الجاهل وخل المقـرد=واهل النشايب لا تعـرض مجالهـا
ولا تقول اني مـن النـاس كامـل=والله تفـرد بالصفـات وكمالـهـا
ولاتقـول فـلان مـا ســد لازم=وهو ليا جـات المطمـات شالهـا
ولاتقـول فـلان رجـل سنـافـي=حتى تجرب خوتـه ويـش حالهـا
ابخص من الرجـال دينـه وطيبـه=وابخص عزومه في القسا واحتمالها
وترى الحمايل والبيـوت الرفيعـة=تـذري محاجيهـا طويـل ظلالهـا
وترى المناسب لا لقاهـا الخمامـة=تظهر رجال طيبهـا مـن خوالهـا
عينت انا الاسفـار ياكثـر فودهـا=فوايـد مثـل الجواهـر غلالـهـا
سافـر ورزق الله فـي كـل ديـره=تكسب تجارب من مخاوى رجالهـا
والناس ما منهم على الارض باقـي=لو طالـت ايامـه سريـع زوالهـا
وختمانها مني صلاة علـى النبـي=عد الحجـر وعـداد ذاري رمالهـا

المصدر: مجالس البوادنه - من قسم: مجلس الشاعر عبدالرحمن بن سعد البوادنه