لا أقبل الليل وظلامه تذكرت الضحا=يوم جاني بالعواجه وقلبي سمحي
غالي جرحه بقلبي بيبطي ما أمحا=لو يطول الوقت في ذمتي ما يمحي
وأنا لا قلت اصح ياقلب عيّا ما صحا=الغلا معمي عيونه ودربه منتحي
طحن جوفي طحن حب على صحن الرحا=والهموم تدك صدري مثل دك الرحي
كل ما أخطا قلت مسموح من طيب وسحا=والبلا إني طحت في واحدً مايستحي

المجاراهـ/ مشعل المنبهي

يوم تنشدني وانا لك صديق منصحا=اترك المقفي وانا لك صديقٍ منصحي
انت رجالٍ عزيزٍ من حشام اللحا=جنّب اللي ما استحى منك مكسور اللحي
مادام انك قلت مسموح ولقولك وحا=وش تبيبه دام كيّه بقلبك منجحي
من يقفّي وانت تغليه دايم وانتحا= روحته ودره وجعله يذوق السمّ حي
خلّه يمشي في نحا وانت خلّك في نحا=وش تبي في مفلسٍ وانت بنك الراجحي؟؟؟

المصدر: مجالس البوادنه - من قسم: مجلس قريحة الاعضاء