إلي الرائد/ حسين ابن سلطان الرمثي الشهراني

أبتدي باسم الذي عالم غيب السـدود=عالم غيب الضماير وخافي سدها

واكتب رسالة معزه شذاها دهن عود=يحتويها الطيب من حدها ليحدها

بعد ما جملتها بالجواهـر والـعـقـود=يـا نديبي لا بكيتك تـجـمـل ودهــا

الرسالة ما لها إلا عريبين الجدود=ان لقيت حسين سلطان وإلا ردهـا

ما تجوز إلا لمثله لعله في الوجود=وأشهد انه شيخٍ المدايح وانه قدهـا

امدح حسين ابن سلطان واغم الحسود=ادري ان الانذل واهـل الحـسـد ماودها

امدحه لأنه رفيق تشد به الـعـضـود=افتخر بفعوله الـطـيـبـه واعـدهـا

يعتزي بأولاد رامث مرسين الحدود=عزوة ما يوجد في العزاوي ندها

داعي الرمثين قيف النماره والأسود=قيف ابن شكبان شيخ الفعول وجدها

وأنت يا حسين ابن سلطان ساسك ساس جود=من رجال في الملاقا بريع حدها

رفقتك تاج على الرأس ما عنها صــدود=رفقة تبني على الطيب صعب هدها

نعتزي بك في اللوازم ونرقى بك سنود=لاتوطـتـنـا الـلـيـالـي ومـيـل شـدها

وقفتك من دون شهران هي طب الكبود=تـحـتـمـي فيهم وعطواك ما ترتدهــا

والله انك فوق الامــداح مـتــعدي وزود=مأنت في حاجة مدايح نجم لا عدها

والمعزه ثـابته والقلوب أكبر شــهــــود=هي شهود الناس لا ما تخفى ودها

لك علي معروف ماني لمعروفك جحود=اذكره مـادام بـيـشـه يطرا سدهــا

لك علي حقوق وارسلـتلك مابغى ردود=الوجيه من المواجيب عيب صدها

المصدر: مجالس البوادنه - من قسم: مجلس الرمثين