قال البديني قول ماقاله فلان = قول يخصه ماعليه التباسي
سلام يالرمثين من قلب ولسان = يافزعة المظهود ياتاج راسي
يادرعنا الضافي على كاين ٍ كان = ياعزوتي يامحزمي يالباسي
سجل لكم في صفحة المجد عنوان = وفزتوا بها ياملينة كل قاسي
حرابة صمالة شانها شان = تجلى من الراس العنيد العماسي
خيالة الرمثين شاهد وبرهان = واصبح مثل لاهل الفخر والحماسي
في بيشة الفيحاء رست عبر الازمان = حتى بقت مثل الجبال الرواسي
سبع القرايا شيدوها على شان = مايجحد التاريخ شيٍ اساسي
وباقي القبايل كلبوها والاوطان = كسابة الامجاد مانيب ناسي
كل رضى بالحق والحق ميزان = ومن زاد في طوله ينوش المقاسي

المصدر: مجالس البوادنه - من قسم: مجلس الشاعر غانم بن سعد البوادنه