المساعد الشخصي الرقمي

مشاهدة النسخة كاملة : عليك الفرج يا الله


سلمان بن مانع
01-01-2011, 10:57 PM
عليك الفرج يا الله لا قام الزمان يجور
عليّه وأنا ماني بمتحمل جوره

أعايش هموم في حياتي بها مجبور
ونفسي على كتمانها الهم مجبورة

أجامل من أقابل وذا داله(ن) مسرور
أحاول عسى أداريه وأراعي شعوره

وفي جوفي أوحي شعلة كنها دافور
وذا ما درى عما جرى خارج الصورة

فلا لي على رد المقادير من مقدور
مقادير من رب السموات مقدورة

على الثابت المثري وعلى البايس المفقور
مثل ما يشا القادر في اللوح مسطورة

وأنا الحمد لله قانع بحالي المستور
وسوق الغنى والمال يقعد لهاموره

أنا أطمح في الكوثر وطرف العيون الحور
وخمر به اللذة في قصور معمورة

السفير
01-01-2011, 11:04 PM
صح لسانك يابومانع وبيض الله وجهك

المستشار
01-01-2011, 11:15 PM
وأنا الحمد لله قانع بحالي المستور
وسوق الغنى والمال يقعد لهاموره
صح لسانك يابو مانع وبيض الله وجهك أمتعتنا بهذي الأبيات

ربيع نجد
01-01-2011, 11:42 PM
صح لسانك يابو مانع والله يعطيك العافيه .ومبدع في جميع مجالات الشعر .

خيال الهدلا
02-01-2011, 01:03 AM
أجامل من أقابل وذا داله(ن) مسرور
أحاول عسى أداريه وأراعي شعوره

الــلــهـ الــلــهـ صـــدقـــتـــ وصـــح لــســـانــــكـ ,,,

فارس ربعه
02-01-2011, 01:41 AM
صح لسانك يابو مانع

الكنق
02-01-2011, 03:24 PM
صح لسانك يابومانع والله يعطيك العافيه