المساعد الشخصي الرقمي

مشاهدة النسخة كاملة : قصيدة لا بو سعد


الجاارح
29-11-2010, 03:48 AM
يالله يامطلـوب فـي كـل ماجـوب=ذكرك يبوج الهـم والضيـق عنّـي
يارب فرجهـا علـى كـل مكـروب=يـا باسـط سبـع بعلمـك رسنّـي
وابرج لمن همه تضايق به الثـوب=من واهج فـي ظامـري مرجهنّـي
وان قلـت مابعـد ظـاع مطلـوب=لجت علي النـاس شيعـي وسنّـي
شامت ونمـام لهـم درب واسلـوب=نقالـة الكلمـة بالالـسـن تغـنّـي
وخليتهم في صوب والدار في صوب=والراس طالـت فكرتـه وامتحنّـي
ولا التهمت من المحبيـن مخلـوق=الا عوينـي يـوم دهـري غبنّـي
ابو فهد هو محزمي متـن وجنـوب=يرسي ولو ميـلات وقتـي حدنّـي
لا حدني من لاهب القيـظ لاهـوب=وردت ذودي صوب زبـن المتنّـي
ماقلتهـا كـذاب والكـذب عـذروب=فعلـه كمـا بـدر نجومـه هونّـي
ياما حلا ممشاك والشاص مركـوب=يشبـه صفيـره قاذفـات عـونّـي
كنك على الطارة معمـد ومنصـوب=رمسـك بعيـد واللـوازم بـدنّـي
لا هل وبال مـن المـزن مسكـوب=نـوه عـروض ووابلـه مرثعنّـي
سمار جاله فـوق ربانـه نصـوب=بروقه تكاشف في السحر واشعلنّـي
لا شفت غر مـن السيـل منهـوب=وعشب القدامـى زايـد وامتحنّـي
اطف المكينة وانتبز راس مشـذوب=واطـو الخفايـق بالنظـر ينطونّـي
علك تشوف مسوبع البيت مطنـوب=فانصه وعجـل لا تصيـر امتونّـي
تلقى الخشب في مقدم البيت مشبوب=ودلال فـوق الجمـر لـك كيفـنّـي
بيت لعود في المواقيـف مجـروب=يفـرح بضيفـه لا لفـاه امتعـنّـي
لا ماهدف عقب العشي باسفل الخوب=سعين ملحـا مـا تجـي بالتمنّـي
كن الفحل لاقام يضرس على النـوب=ضريس غـرب جاذبـه مـا يونّـي
وساع النحور منزحة كـل عرقـوب=وفقارهـن بالخمـس مايلمسـنّـي
وساع الخفاف مودية كـل منـدوب=لا ما عطن مـع خايـع وارمسنّـي
خلايق الرحمن في الوحـي مكتـوب=فـي محكـم التنزيـل بـه فضلنّـي
نوم الخلا والبعد عن كـل مغضـوب=انـا اشهـد انـه مطلـب مايعنّـي