المساعد الشخصي الرقمي

مشاهدة النسخة كاملة : من قصائد عبدالرحمن بن بديع


راعي نطح
11-04-2012, 10:53 AM
http://www.afif.ws/sahat/images/smilies/afifsmiles3/msn_emoticons/rose.gif
الجزء الأول /
ياهلـي خلونـي ارتـاح خلـونـي **** والله اني ماقبـل الشـرب والـزادي

لي سنـه وانـا معـذب ومفتونـي **** اقضي اوقاتي بـلا فكـر وارشـادي

القهـر والحـزن والدمـع بعيونـي **** غير خلونـي معـا جـوي الهـادي

ولو سمحتوا 0سكروا الباب من دوني **** دامنـي راضـي بهمـي ومقعـادي

اتركونـي اسبـح الفكـر بجنونـي **** لي معـا التفكيـر حـزه وميعـادي

صاحبي باق العهد 0واخلف اظنونـي **** مدرى اني 0في غرامه بعـد غـادي

اثر سيف الغدر 0خايـن وملعونـي **** لاضربـه واحـد ٍ شوفـه امـرادي

فياعساك اتوب 0واتعالـج اطعونـي **** يالطيف الروح 0 ياغض الانهـادي

هكذا وضعـي ومبـداي واحزونـي **** ماتبي سـوه معـي( والله البـادي)
http://www.afif.ws/sahat/images/smilies/afifsmiles3/msn_emoticons/rose.gif
الجزء الثآني /
الناس تفرح بالهبيّب وانا انحاس **** لانـه يحـرك علـة ٍ محتويهـا

روحي تعذب كلما هـب نسنـاس **** تقـول ماكـن المحانـي عليهـا

يزيد جرح القلب 0والقلب حساس **** حتى نسانيـس الهـوى مايبيهـا

ومن عادتي لادك فالصدر هوجاس **** اشرد بنفسي في الخلا واحتديهـا

الناس والدنيا 0منازل بلا سـاس **** رحيلهـا وان طولـت مقتفيـهـا

ومن هي رصيد له تواليه لفـلاس **** وبيموت ماشاف الغنى من حديها

هذي هي الدنيا 0وهذي هي الناس **** خسران من علق هقاويـه فيهـا

غرارة ٍ فيها الرجا كنـه اليـاس **** حتى ولو جـادت فمنهـا واِليهـا

اللي يلاقي وجهها الشين ينـداس **** واللـي يلاقـي زينهـا يهتويهـا

كم من رفيع ٍ خلته يرخي الـراس **** وكم من وضيـعٍ خلتـه يعتليهـا

يشوف فيها العاقل اشكال واجناس **** يزهدبها 0ويراقـب اللـي يليهـا

فلاباس ياشكاية الوقـت لابـاس **** عنـد المدبـر دبـرة ٍ نحتريهـا
http://www.afif.ws/sahat/images/smilies/afifsmiles3/msn_emoticons/rose.gif
الجزء الثآلث /
واعذابي كلمـا الشمـس مالـت للمغيـب **** لاقبـل الليـل اِيتجـدد عذابـي ياهـلـي

غيبة الشمس ودجى الليل معها وش تجيب **** غير هاجـوس بصـدري ونـار تصطلـي

هم صـدري ماكشفـه للبعيـد وللقريـب**** واتظاهـر بالسعـاده ولـو ماهيـب لـي

احتسب لو شفت من جور وقتي مايريـب **** ومن نشدني قلت طيّب وانا مانـي بشلـي

والله لارقية مطـوع . ولاوصفـة طبيـب **** تترك اللي لاجـي فـي ضميـري ينجلـي

والخيانه سيفهـا ثالـث إسـلاح صعيـب **** ورمح ابن غانم وسيف ابن ابي طالب علي

الثلاث القاتله مـن سلـم منهـا عطيـب **** حكمـة يشهـد عليهـا الزمـان الاولـي

وانا بين أهلي وفي ارضي ولكني غريـب **** كن مالي ولد عـم . ولاكـن لـي صلـي

عايش ٍ غربة زماني . وخاينـي إصحيـب **** والخيانه تِعطـب اللـي تنـوش وتقتلـي

أرتفع صوتـي ينـادي ولاجالـه مجيـب **** من هذاك اللـي سمـع صوتـي ولالدلـي

واتضح ماعاد لـي فيـه حـظ ولانصيـب **** وصرت اسولف في ضميري واردد مايلـي

ياخسارة طيحةن طحتهـا لجـل الحبيـب **** والنهايـه لامسكنـي ولاسـمـى عـلـي

الله أكبـر ماتوقعـت هقواتـي تخـيـب **** في محبـة مـن بحبـه طمـوح ومملـي

ساقني لمساهر الليل . ومصـالا اللهيـب **** صادق إحساسي وطيبي وطيشي وإجهلـي

لين عاهدته وسلمت له مـن بـاب طيـب **** قلبي وفكري . وضحيـت فـي مستقبلـي

والنتيجه ضيعة الرشد . والوضع الكئيـب **** والحياه إيست منهـا .. وبركـت إجملـي

بس لاتنصح ترا النُصـح يجـرح يالبيـب **** والضمايـر بالعبايـر تفيـض وتمتـلـي

وانت خابر طيحتي طحتها لجـل الحبيـب **** والنهايـه لامسكنـي ولاسـمـى عـلـي
http://www.afif.ws/sahat/images/smilies/afifgate/afifgate/5__.gif
الجزء آلرآبع /
أبتعـوذ مـن الشيطـان واسـمـي **** قـدام ماصـرف ابياتـي وقيفانـي

لاني شربت المعرفه مع حليب امـي **** واليوم منزالها مـن بيـن ضلعانـي

وردتهـا وردة الضميـان للجـمـي **** وشربت شربه تروي كل عطشانـي

ويلعبي الفكر لعب الفُلك فـي اليمـي **** ووضح لي الوقت شي كان يخفانـي

ورفيقي ادراه لو يمنـاه فـي كِمـي **** ولا استمع فيه هرج افلان وافلانـي

وباموت ويموت ماقد جاه من يمـي **** شـي يخليـه يتركنـي ويجفـانـي

ولا ارضى ولاقبل عليه السب والذمي **** حتى لو انه يسولف بـي ويقفانـي

اصبر وجامل لوانـه محـرق دمـي **** اخاف يشمـت عليـه واحـد ثانـي

وانا الذي لو تبيـن للعـرب همـي **** اصبر وقول البشر ربعي وصدقانـي

والشينه اللي تجيني من بني عمـي **** اعدها زينـةن لـي تـو عدوانـي

ماهي مجـرد بلاغـه قالهـا فمـي **** بالعكس ينبضبهـا قلبـي وشريانـي
http://www.afif.ws/sahat/images/smilies/afifsmiles3/msn_emoticons/rose.gif
آلجزء آلخآمـس /
انشهد ان بعض المعرفه سماجـه **** وان المجامل لجلها ماقـف سـي

وياهييه مابيني وبينـك مواجـه **** فرقاك عندي كنها الـزاد والمـي

اعرف ترا مالي ورا الناس حاجه **** الا رفيـق صافـط رفقتـه لـي

فلا صار مالك مع رفيقك نهاجـه **** في نيتك خاين وفي خوتك عـي

البغض ظيمي والمفارق علاجـه **** بفارقك لاصار مانت بـولا شـي

ابغى الرفيق اللي طليق ن حجاجه **** صديق مايرضى هروج العرب في

ولا انت عرفك مثل عرف الخواجه **** وبتموت ماحصلت لا ذي ولا ذي

ووقت القسى قلبك وقلب الدجاجه **** سوا سوا مابينهـا فـرق ياخـي

ولا بساعات الحكـى و المناجـه **** اعلومك اكبر من جبل حاتم الطي

فوالله مارضى بلخطا والعواجـه **** وابيك تسمع كلمة ن مالهـا زي

البغض ظيمي والمفارق علاجـه **** بفارقك لاصار مانت بـولا شـي
http://www.afif.ws/sahat/images/smilies/afifsmiles3/msn_emoticons/rose.gif
الجزء السآدس /
الحضاره غيرت في العوايد والسلـوم **** مر تيـار الحضـاره ورحنـا نتبعـه

وعزتيلي من ضعيف الروابع والعزوم **** ومن ظروف ٍ اجبرتني اصدق واسمعه

اعتزالـي واتكلـي ولا سـد اللـزوم **** مادبل كبدي يكـون التمـدح فالسعـه

اعترضها فالسعه والنتيجه صاد لـوم **** وصار مثل اللي فقع نون عينه بصبعه

ياجماعه يلزم اللي هبد صدره يقـوم **** الكفوا لاما اعتزا فـي لـزومٍ سنعـه

يصمل الرجال لابارك الله في الرخـوم **** وان نخاه اللي يبي منه نفعـه ينفعـه

العمر يمشي ويطوي ويوم بعـد يـوم **** وان قضا ماينفع الشخص جهد ٍ يجمعه

الجمايل دايمه 0والمناصـب ماتـدوم **** والكفو لو يندفن مااندفن ذكـره معـه

وان نصيت الطيّب اللي له العليا تروم **** وجهه وجاهه وحالـه ومالـه يدفعـه

لازهمته قال حاضر تريـح ومخـدوم **** والردي حتى ولو قالها صـد ودعـه

الردي ماقسمه الا من اهزال القسـوم **** غير قالوا كان ماطاعك الوقت فطعـه

وواحدٍ يقدر ويجفا مطاليـب القـروم **** ياعسى شكله من الارض ربي يقلعـه

والجمايل دايمه والمناصب ماتـدوم **** والكفو لو يندفن مااندفن ذكـره معـه
http://www.afif.ws/sahat/images/smilies/afifgate/afifgate/5__.gif
آلجزء آلسآبع /
اشغلتنـي ياهـم واسهـرت عينـي **** من زرتني والنوم مايدخـل المـوق

لازارنـي همـي وبـيـح كنيـنـي **** خذيت لي لا هـود الليـل طـاروق

امـا اِلعبـه مسحـوب ولا هجينـي **** من ضيقتي ماهو من الوله والشوق

ياحسرتي ياما مضى مـن سنينـي **** والله يستر لايجي الطـاق مطبـوق

اللي مـن الله كاتبـه فـي جبينـي **** سبحانه اللي دبر الرزق مـن فـوق

امـن العـدم لـو اتوسـد يمينـي **** في ذمتي ماهيين نفسـي لمخلـوق

وكرامـةٍ منـهـا تـعـدا يديـنـي **** والله ماحظاهـا ولا اذوقـهـا ذوق

ووالله ماجـي واحــد ٍ مايبيـنـي **** لو كان يلحقني من الوقـت لاحـوق

ولاني وراء غرات ربعـي ادوينـي **** وادخل على الله ماعرف الغدر والبوق

واللـي ليامنـي زهمتـه يجيـنـي **** باسوق نفسي لابـدا لازمـه سـوق

لو الحجـاز ونجـد بينـه وبينـي **** الاٍ عنه يمنعنـي المـوت والعـوق

ويامعتلـي يـااكـرم الاكرميـنـي **** ياللي مليـت اجسادنـا دم وعـروق

لوضعي ولسراري وشينـي وزينـي **** عهد ً علي لاخلي الصـدر صنـدوق

للناس لو اسـرار صـدري تبينـي **** والله ماتنفعني وانـا منـك مزنـوق

ماينـفـع الا فزعـتـك يامعيـنـي **** ماهو بشرط كـل مطـرود ملحـوق


أكــتفي بهــذآ آلقــدر .. نقــلة لكم .. مآ أعجبني }~
واتمنى ان تنال اسستحسانكمhttp://www.afif.ws/sahat/images/smilies/afificons/34333.gif
منقووول

السفير
12-04-2012, 07:59 PM
صح لسانك ولسان بو محمد

خادم ربعه
12-04-2012, 11:41 PM
شكراً لك من الاعماق ...
وصح لسان ابن بديع ....

خيال الهدلا
13-04-2012, 09:51 PM
لاهـنـت عـلـى الـطـرح الـرائـع ,,,

الدمعة البريئة
19-05-2013, 05:35 PM
يعطيك ـآلعآفيه
بنتظآر روعة ذـآئقتك ـآلقآدمه
لك جنآئن ـآلورد وـآصدق ـآلود
دمتم بعطآء وتميز./