المساعد الشخصي الرقمي

مشاهدة النسخة كاملة : طير السعد


ربيع نجد
15-11-2010, 02:53 AM
ياطير السعد


ياطير يا طير ياطير السعد يا للـي تـرف الجنـاح
لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح
وأظن ما فيه ديره فوق وجـه الأرض مـا جيتهـا
ما نته بمثلي تجي وتروح ما يصعب عليك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانهـا الاقـدام عنتـنـي وعنيتـهـا
في ماض الأيام أشوفه قدم عيني فالمسـا والصبـاح
واليوم حتى العلوم اللي تجينـي عنـه مـا أوحيتهـا
وليا نشدت العرب ما حدن يعلمني عنـه ويـن راح
وأتعبـت نفسـي وبالنشـدة كثيـر النـاس بذيتهـا
لا ووجودي على شوفك ولو مره يا ظبـي البـراح
ياللي علـى شانـك العبـره علـى الخديـن هليتهـا
يا بو عيونٍ هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا

خيال الهدلا
15-11-2010, 03:05 AM
ما نته بمثلي تجي وتروح ما يصعب عليك المـراح
لكـن ياليـت جنحانـك معـي ياطـيـر ياليتـهـا

ربـــيـــع نــجــد صح لســانـــكـ ولــسـان الــشـاعــر حـبـيـب تــقــبــل مـروري

ربيع نجد
15-11-2010, 04:23 AM
مشكور ياخيال الهدلا على المرور والله يعطيك العافيه

السفير
15-11-2010, 04:42 AM
اسمح لي ابدي اعجابي بقلمك وتميزك واسلوبك الراقي وتالقك

العقيد
15-11-2010, 09:49 PM
الله الله صح لسانك ولسان قايلها

الشامخ
16-11-2010, 11:45 PM
لاهنت يا ربيع نجد

الشهم الأصيل
17-11-2010, 12:43 AM
يا بو عيونٍ هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا
قصيده خياليه في الغزل جميله ويعطيك العافيه على نقلها ونرجوا المزيد..

ربيع نجد
18-11-2010, 01:07 PM
مشكورين على التفاعل والله يعطيكم العافيه جميع

فارس السلام
20-11-2010, 12:44 AM
مهما قلت عن ربيع نجد من كلام لانوفيه حقه