المساعد الشخصي الرقمي

مشاهدة النسخة كاملة : مـــــــســــــاجــــلــــه نـــــــــــــــــــــــادره


فارس ربعه
20-02-2011, 04:45 AM
مـــــــســــــاجــــلــــه نـــــــــــــــــــــــادره (http://www.al-ftees.com/vb/showthread.php?t=3538)


هذه مساجلة نادرة جرت بين الاميروالفارس الراحل/ محمد بن أحمد السديري ( رحمه الله )وسمو وزير الداخلية الامير/ نايف بن عبدالعزيز( حفظه الله )



يقول السديري :







أنـتـم حباريـكـم تـخـافـق بـالاقـطـار


وحـنـا حباريـنـا السـمـك يالسـنـافـي


وبايمانكم شقر ٍ سريعات الاطيـار


والكـل منهـن ماضـي الفـعـل وافــي


ذكّرتنـي ياميـر واصبـحـت محـتـار


وجاوبت خلج البـل ّ حـمّ الشعافـي


وذكـرت طيـب أيامنـا سـر وجـهـار


يوم الردي في نومـة العصـر غافـي


مذكور يانايف ذرى الضيف ومجار


ذكـراك فـي قلـب ٍ بــراه الـولافـي


قلب ٍ علـى الشـدات ياميـر صبـار


إن صد عـن طيـب الثنـا كـل هافـي






فأجابه الامير نايف:






ياخـال روحـتـوا لـنـا سـتـة أسـطـار


رفـــاع المـعـانـي كملـتـهـا الـقـوافـي


مـثـايـل ٍ يخـتـارهـا كـــل مـحـتـار


مثـل الرعـاف بجيـد ظبـي الكشافـي


حيـيـت فـيـهـا والتـحـيـة لـهــا كـــار


مـاغـرد القـمـري بــروس الخـوافـي


ليتـك خـوي ٍ لـي إلـى شبـت النـار


في مربخ ٍ من وقـدة الرمـث دافـي


نبـتـه جـديـد ٍ ماطـلـع فـيـه نـــوار


سـقـاه مـامـور مــن الـوسـم ضـافـي


ممطور ٍ أمـس ولامشـى فيـه دوار


فـيـه الحـبـاري مـقـبـلات ٍ مـقـافـي


أشيـل فـرخ ٍ واسهـن وقـع وطيـار


وعلى يسارك أشقـر الريـش صافـي


هــذا عــدو الـخـرب للـريـش نـثــار


وهـذا إلـى طلـع علـى الـجـو شـافـي


ماكـدر الخاطـر طـويـلات وقـصـار


هروج ٍ هزيلة من رجالن ضعافي


من لابة ٍ يردون صعبات الاخطار


ماوالـفـوا نـــوم الـصـفـر والـعـوافـي


نقضي لنا وقت ٍ وندفن لنـا اسـرار


الصـبـر زيــن وخـيـر الايــام تـافـي


عاداتنـا نقـصـر طـويـلات الاشـبـار


وعـدونــا نسـقـيـه هـــم ٍ زعـافــي


إلى عطل الواجب مـن النـاس حبـار


نـــارد ولـــو ان الـمــوارد عـيـافــي


نارد حياض ٍ وردها حامي وحـار


وبايمـانـنـا مـصـقــلات ٍ رهــافــي


لعيـون تلـع ٍ سوقـهـن مابـعـد بــار


حديـثـهـن لـمـجـرّح الـقـلـب شـافــي










تقبلوا اجمل التحايا

الكنق
20-02-2011, 09:47 PM
مشكور يافارس ربعه

السفير
20-02-2011, 09:53 PM
مساجله رائعه

فارس السلام
20-02-2011, 10:04 PM
الله يعطيك العافيه يافارس ربعه

العقيد
20-02-2011, 10:48 PM
يكفي أنها بين السديري والامير نايف
يعطيك العافية يافارس ربعه

مخــاوي النشاما
21-02-2011, 01:02 AM
لاهنت يافارس ربعه على ماكتبت

كلاشنكوف
21-02-2011, 02:11 AM
بيض الله وجهك ولاهنت

المختار
21-02-2011, 02:45 AM
مـــشـــكـــور خـــويــ فـــارســ ربـــعـــهـ عــلــى هـــذهــ الـــمـــســـاجــلـــهــ الـــرائـــعـــهــ

خيال الهدلا
21-02-2011, 09:29 AM
مــشــكــور الـلـهـ لايــهــيــنــكـ ,,,

المستشار
21-02-2011, 03:52 PM
مـشـكـور عـلـى نـقـلـكـ الـرائـعـ لـهـذي الـمـسـاجـلـة