قصيده جمعان بن مسفر المنبهي

[مشعل المنبهي]

قصيده للشاعر جمعان بن مسفر المنبهي
عما يحصل في هذا الزمان



يالله في برقٍ سراله اشعاقي= امن الخليج إليا سواحل تهامه
ومن باب صنعا لا فرات العراقي= نوٍّ غزيرٍ مدلهــــــــــــمٍّ غمامه
كنه من المنشا جهامٍ يساقي= يوضي سنا برقه بداخل ظلامه
سيلٍ يفجر محكمات المساقي= لأنحى مع وادٍ تغشوى عدامه
يجلا صدا صدرٍ من الهم ضاقي= ومن لام مجروحي عليه الملامه
حلّ الجفاف وصابنا الأرتهاقي =كنها على الناس بتقوم القيامه
امن الحسد والغش وش عاد باقي= شفنا لها في كل شيٍّ علامه
يبست فروع الغرس سود السواقي=والجو غبّر واغتشتنا العسامه
واجدودبت الارض وغشاها انحراقي=من لاهب الدهر الشديد وقتامه
ماعاد للدنيا حلات ومذاقي=كثر الربا والظلم يالله السلامه
باسباب شلّات الردى والنفاقي=شذابة المقفي وُحُوش القمامه
اللي سعوا في المجتمع بالفراقي =بالهمز واللمز وكلام النمامه
الحق دونه يرفعون الرواقي=والزور والبهتان بنّوا خيامه
وإلهم نواياً سيّتاً واتفاقي=على الردى كلٍّ يبرهن كلامه
وحق اليتاما والمره والمعاقي=طمعوه مايدرون لوم وملامه
لاعلّ مامنهم على الأرض باقي=وبيوتهم تصبح عليهم هدامه
وين الرجال اللي تقول وتلاقي=أهل العلوم الوافيه والزعامه
اللي على كسب المراجل سباقي=وضيوفهم تلقى الوفا والكرامه
ولا تلفّت للعلوم الدقاقي=فيهم سعة بال وشجاع وشهامه

[خادم ربعه]

صح لسان قايلها وناقلها والله يبيض وجهك يامطر الليل
ومن طول الغيبات جاب الغنايم
ننتظر جديدك وابداعك والله يحيك

[خيال الهدلا]

أبــيــض وجـــهـ وصــح الـلـهـ لــســانــكـ ولــســانــ قــائــلـــهـــا

[ربيع نجد]

لاهنت على النقل وصح لسان الشاعر , وااله يعطيكم العافيه جميع .

[المستشار]

صح لسانك ولسان القايل كلام جميل

[الكنق]

ياسلامي على الشاعر ومن جاب القصيدة

[فارس السلام]

صح لسان قايلها ومن جابها

[السفير]

صح لسانك ولسان الشاعر

[مخــاوي النشاما]

الله الله يامطر الليل
تسلم ويسلم من قالها قصيدة تحكي عن واقع هذا الزمااان
صح لسانك ولسان جمعان بن مسفر مليون
تقبل مرووري

[فارس ربعه]

صح لسان الشاعر ابو مسفر
وبيض الله وجهك يامطر الليل

[العقيد]

سلمت يمناك يامطر الليل على الايراد المميز وصح لسان الشاعر على الكلام الجميل الجزل