المساعد الشخصي الرقمي

مشاهدة النسخة كاملة : قصيدة بن ثايب والطفل الغامدي


خيال الهدلا
17-01-2011, 07:25 PM
السلام عليكم ورحمة الله وبركاته,

اتى طفل غامدي عمره لا يتجاوز 10 سنوات وكان والد هذا الطفل محكوم عليه بالقصاص وطلب من بن ثايب وجهه وجاهه عند صاحب السمو الملكي الأمير خالد الفيصل فأعطاه بن ثايب قصيده وحفظها الطفل والقاها الطفل على مسمع الأمير بعد ذلك توسط الأمير خالد في القضية وعُفي عن والد الطفل.





ياسلام الله على أميـر وأمـارة عسيـر//عد هبـاب الـذواري وهتـاف المـزون




ياحسين الخُلق والخلق ياصافي الضميـر//ياجمل زومان بـزال حمـران العيـون




بأسم أهالي بيشه أحمل لك الـود الوفيـر//والجماعة كـلبوهـم عليـك يسلمـون




ياطويل العمـر لا دعوجـي ولا خبيـر//ناشيٍ مستور ماني من اللـي يشتكـون




والحوايج والنوايـب وتحديـد المصيـر//تدخل الرجال من حيث ربعـه يدخلـون




واقعي خلاني انشر عبر موجـة الأثيـر//شعر وانا ليس شاعر ولاهـم يحزنـون




يالأمير ان سني صغير فأن أمْلـي كبيـر//فيك يامـن فيـك كـل القبايـل يمّلـون




جايك اطلب بوي عطنيه تكفى يالأميـر//وش يطيق أبو ثمانين من ريـب المنـون




بويه انقى من حمام الحرم لـو مايطيـر//لاتصدق فيه راعـي النمايـم والظنـون




فيه مافي ذيب يوسف يصير أو مايصيـر//ياعوين الذيـب وأبـوي دايـم يتهمـون




أرحم الله يرحم أبوك وأفعـل فيـه خيـر//وأعف يابو كف بيضاء وبو قلبٍ حنـون




أكسب أجري وأجر غيري وجير المستجير//عزك الله من مزبّن وعزك مـن زبـون




فرح أخوانـي وفـاج البواكـي بالبشيـر//لا تحزّن بأمهـات الطرابـش والقـرون




الله اللي بيـده الخيـر والشـر الشريـر//مايعذب هـل بـلادٍ وهـم يستغفـرون




مادام انه يستحـي مالـك الملـك القديـر//من عذاب الشايب الناس برضه يستحـون




الله الله فـي وداعتكـم الشيـخ الضـريـر//لابكيتك خلص ابوي من عـوج الشبـون




لاتخلـي بـوي دون النبشتـي يستديـر//والملف يدور بيـن المحافـظ والسجـون




والـولـد والعود والعـلـم الأول والأخـيــر//ملك أياديك الكريمات جعلك مـا تهـون




دمت لي يادايم السيف ولغيـري نصيـر//والسلام ختـام واللـي يريـد الله يكـون